Nue Oroshi
Sot, më 5 nëntor 2024, janë plot tridhjetë vjet që, me iniciativën e atdhetarit Don Pren Kola, u themelua paralelja e gjimnazit “Gjon Buzuku” në Velezhë, Prizren. Kjo ngjarje e rëndësishme është e lidhur ngushtë me tre shtyllat kryesore që vunë themelet e këtij gjimnazi: Don Pren Kola, mr.sc. Enver Sulaj dhe mr.sc. Nue Oroshi.
Pas këtij angazhimi fillestar, u përfshinë edhe figura të tjera të shquara si: mr.sc. Agron Bytyqi, Nikollë Domgjoni, dhe shumë profesorë të tjerë të talentuar që dhanë një kontribut të çmuar. Nuk duhet harruar gjithashtu kontributi i jashtëzakonshëm i Bernard Oroshit, ish-drejtor i Shkollës Fillore “Zef Lush Marku”, i cili dha një mbështetje të paçmuar në themelimin e gjimnazit. Bernard Oroshi, për këtë angazhim dhe për rolin e tij si drejtor, vuajti shumë nga policia serbe, duke u rrahur brutalisht për të drejtat dhe lirinë e shqiptarëve.
Kam pasur nderin të jem kujdestar i gjeneratës së parë të këtij gjimnazi dhe gjithashtu përgjegjësi i parë i kësaj shkolle. Po ashtu, nuk duhet harruar kontributi i profesor Bibë Dulajt, i cili në atë periudhë ishte drejtor i gjimnazit “Gjon Buzuku” në Prizren.
Pas luftës, ky gjimnaz u mbyll përkohësisht me një vendim të Ministrisë së Arsimit, por falë ndërhyrjes time dhe mbështetjes së prof.dr. Hajrullah Koliqit, ministër i Arsimit në atë kohë, si dhe profesorit tim të Mesjetës, prof.dr. Selim Daci, gjimnazi u aktivizua sërish.
Vitet kalojnë, por historia i ruan dhe i kujton ngjarjet që e formësuan këtë institucion të rëndësishëm arsimor.
Marketing
Përjetoni pushime të paharruar dhe dasma magjike në Hotel “Albes Residence”
