Sot, nën udhëheqjen e Koordinatorës për Barazi Gjinore, Vera Bytyçi, dhe drejtuesve institucionalë e shoqërorë, nisi fushata “16 Ditë Aktivizëm kundër Dhunës dhe Diskriminimit Gjinor”.
Në këtë takim informues dhe bashkërendues morën pjesë: vera Bytyçi, Koordinatore nga Zyra për Barazi Gjinore; Komandanti i Stacionit Policor në Malishevë, Nazmi Zogaj, i shoqëruar nga Togeri Zenel Halitaj; Shqipron Berisha nga Qendra për Punë dhe Mirëqenie Sociale; Feride Hoxha nga Handikos; Agron Kastrati nga Zyra Juridike Falas.
“Nga gjithë pjesëmarrësit në debat u diskutua dhe doli porosia: Të punojmë që nga familja, rrethi shoqëror, shkolla si dhe institucionet shtetërore lokale e qendrore për familjen e shëndoshë, për rrethin dhe një shoqëri përgjegjëse, duke zbatuar me përgjegjësi ligjin aktual në fuqi, konventat dhe të drejtat e njeriut dhe familjes si dhe gjithë shoqërisë që të kontribuojmë në formimin sa më pozitiv të njeriut tonë. Vetëm kështu, së bashku ia dalim dhe përmbushim obligimin njerëzor e ligjor para qytetarëve tanë”, thuhet në njoftimin e komunës.
Pas takimit, u vizitua edhe “Dhoma Mike”.
Përgjatë gjashtëmbëdhjetë ditëve të ardhshme, do të zhvillohen aktivitete të ndryshme, përfshirë vizita të planifikuara në institucionet publike arsimore. Koordinimi i këtyre aktiviteteve do të bëhet nga Vera Bytyçi dhe përgjegjësit e institucioneve përkatëse./PrizrenPress.com/
Përjetoni pushime të paharruar dhe dasma magjike në Hotel “Albes Residence”
