Xhiro e 16-të në Albi Mall Superligën e Kosovës në futboll do të përfundojë ditën e sotme.
Ndeshja e vetme e mbetur e kësaj xhiro është ajo mes Suharekës dhe Llapit, që zhvillohet me fillim nga ora 13:00 në stadiumin e qytetit në Suharekë.
Një përballje e dy skuadrave që po kalojnë nëpër një krizë të rezultateve këtë kampionat, me Suharekën që nuk di për fitore në gjashtë ndeshjet e fundit duke marrë tre barazime e tre humbje.
Llapi ka ecuri edhe më të keqe, pasi në nëntë ndeshje nuk kanë marrë fitore në Albi Mall Superligë dhe e fundit ishte pikërisht ndaj Suharekës. Dy skuadrat së fundmi kanë triumfuar në mesjavën e kaluar në Kupën e Kosovës dhe kërkojnë këndelljen edhe në kampionat.
