21.3 C
Prizren
E enjte, 18 Shtator, 2025

Avokati i Isni Kilajt: S’e di arsyen e arrestimit, po mundohem të gjej informacione

Avokati i Isni Kilajt, Iain Edwards, pas arrestimit të ish-kryetarit të Komunës së Malishevës nga Gjykata Speciale, ka thënë për Dukagjinin se ende nuk ka informacione të qarta mbi arsyen e arrestimit të klientit të tij, i cili u mor nga shtëpia e tij në Malishevë mëngjesin e të enjtes.

“Mësova sot në mëngjes se z. Kilaj është arrestuar në shtëpinë e tij në Malishevë dhe është marrë me vete. Më tha një anëtar i familjes së zotit Kilaj. Nuk kam dëgjuar asgjë nga Dhomat e Specializuara. Nuk e di pse është arrestuar apo ku po e çojnë. Nuk kam mundur të flas me klientin tim. Po mundohem të gjej më shumë informacion”, ka deklaruar ai për Dukagjinin.

Kilaj, ish-komandant i Ushtrisë Çlirimtare të Kosovës, është arrestuar nga Gjykata Speciale edhe më parë, më 2 nëntor 2023.

Tashmë, ai është dërguar në EULEX për t’u transferuar në Hagë.

Lajmi për arrestimin e Kilajt u konfirmua nga djali i tij, Blend Kilaj, i cili ka theksuar se nuk është informuar ende për arsyet e këtij arrestimi.

Më Shumë

Sekuestrohen armë dhe një sasi e municionit në Prizren

Policia e Kosovës ka sekuestruar disa armë dhe municion gjatë një aksioni të zhvilluar në Prizren, pas një rasti të shtënave me armë zjarri...

Williams mohon se ka dijeni për ngjarjen në ish-godinën e MUP-it në Prizren

Dëshmitari Paul Williams mohoi se trupat gjermane kanë gjetur 15 të burgosur përfshirë edhe një person të moshuar i cili është gjetur i lidhur...

Lajmet e Fundit