Të martën, në sallën e mbledhjeve të Kuvendit të Prizrenit, u organizua një takim publik me qytetarët, gjatë të cilit u prezantua vlerësimi i gjendjes ekzistuese të Planit Zhvillimor të Komunës së Prizrenit.
Në një sallë të mbushur me qytetarë, drejtori i Urbanizmit dhe Planifikimit Hapësinor, Pranverim Berisha, kërkoi nga qytetarët që të kontribuojnë në Planin Zhvillimor të Komunës.
“Ky takim është i rëndësishëm për të siguruar që qytetarët të kontribuojnë në krijimin e një dokumenti profesional dhe të qëndrueshëm, siç është Plani Zhvillimor të Prizrenit”.
Pas prezantimit të gjendjes ekzistuese nga përfaqësues të kompanisë që po harton dokumentin, foli drejtori i Shërbimeve Publike, Çelë Lamaj, i cili theksoi shqetësimin e qytetarëve për pronat e tyre që do të përfshihen në këtë plan.
Më pas, disa nga të pranishmit ngritën shqetësime dhe kërkesa lidhur me zhvillimin e planit.
Ky plan pritet të kalojë në disa faza të tjera, deri në hartimin e versionit përfundimtar, i cili më pas do t’i dërgohet Kuvendit të Prizrenit për miratim./TV Prizreni/
Marketing
Përjetoni pushime të paharruar dhe dasma magjike në Hotel “Albes Residence”
