30.2 C
Prizren
E martë, 16 Shtator, 2025

Komuna e Dragashit merr përsipër pagesën e ndriçimit publik për të gjitha fshatrat nga shkurti i këtij viti

Komuna e Dragashit njofton të gjithë kryetarët e fshatrave se, nga muaji shkurt i vitit 2025, do të mbulojë pagesën e shpenzimeve të ndriçimit publik për të gjitha fshatrat që kanë të instaluar ndriçimin publik, por që ende nuk janë përfshirë në sistemin e pagesave të Komunës, përcjell PrizrenPress.

Kryetarët e fshatrave janë të ftuar që t’i drejtohen me kërkesë zyrtare Drejtorisë për Mbrojtje, Shpëtim dhe Shërbime Publike, duke përmbushur kushtet e kërkuara.

“Andaj, kërkojmë nga kryetarët e fshatrave përkatëse që t’i drejtohen me kërkesë zyrtare Drejtorisë për Mbrojtje, Shpëtim dhe Shërbime Publike. Në kërkesë duhet të dëshmohet se janë të plotësuara kushtet në vijim:

– Gjithë rrjeti i ndriçimit duhet të jetë i lidhur me orëmatës të shpenzimit të energjisë elektrike; dhe

– Orëmatësi, të cilin do ta marrë Komuna si obligim për pagesë, nuk duhet të ketë borxhe (fatura duhet të jetë e paguar deri në muajin janar 2025). Si dëshmi duhet të bashkëngjitet fatura e muajit janar 2025”, thuhet në njoftimin e komunës./PrizrenPress.com/

Marketing

Më Shumë

Kryeshefi i ‘Hidroregjionit Jugor’ në Prizren demanton Totajn për ndërprerje të qëllimshme të ujit: E sugjeroj ta denoncojë rastin në organet e drejtësisë

Kryeshefi Ekzekutiv i “Hidroregjionit Jugor” në Prizren, Fadil Berisha, i është kundërpërgjigjur sot kryetarit të Komunës, Shaqir Totaj, rreth pretendimeve se ndërprerjet e ujit...

Tragjike në Prizren: 71-vjeçari bie nga muret e Kalasë dhe vdes

Një ngjarje e rëndë ka ndodhur sot në Prizren, ku një 71-vjeçar ka humbur jetën afër mureve të Kalasë së qytetit. Burime të Sinjalit bëjnë...

Lajmet e Fundit