Përfaqësuesit politikë të komuniteteve jo-shumicë janë takuar në Prizren me Shefin e Zyrës së BE-së në Kosovë, ambasadorin Aivo Orav.
Kryetari i PREBK-së, Albert Kinolli ka bërë të ditur se liderët e subjekteve politike nga komunitetet jo-shumicë në Prizren kanë diskutuar edhe për zhvillimet pas zgjedhjeve të 9 shkurtit për Kuvendin e Kosovës, raporton Telegrafi.
“Kisha nderin dhe kënaqësinë që me ftesë të Përfaqësuesit të Posaçëm të Bashkimit Evropian dhe Shefit të Zyrës së BE-së, Ambasadori Aivo Orav, të marrë pjesë në drekë pune, se bashku me kolegët lider të komuniteteve tjera jo-shumicë. Ky takim ka shërbyer si një platformë për të diskutuar angazhimin e komuniteteve joshumicë në qeverisjen lokale në Prizren, si dhe zhvillimet paszgjedhore, formimin e institucioneve dhe rolin e komuniteteve joshumicë në skenën politike të Kosovës”, ka bërë të ditur Kinolli përmes rrjeteve sociale.
Ambasadori Orav të mërkurën ka realizuar disa takime gjatë qëndrimit në Prizren. /Telegrafi/
