Stadiumi “Përparim Thaçi” në Prizren do të jetë skena e njërit prej derbive më të mëdha të futbollit kosovar, ku nesër në ora 13:00 do të përballen Liria dhe Vëllaznimi.
Ky duel historik pritet të mbledhë afro 6 mijë tifozë, duke përfshirë mbështetësit e zjarrtë të të dyja skuadrave, raporton PrizrenPress. Tensionet e mëparshme mes dy klubeve e kanë shtuar edhe më shumë emocionin e kësaj përballjeje, e cila pritet të sjellë një atmosferë të ndezur në tribuna dhe një sfidë të fortë në fushë.
Tifozët e Lirisë janë mobilizuar për të mbështetur ekipin vendas, ndërsa edhe “Kuqezinjtë e Jakovës” do të jenë të pranishëm për të përkrahur Vëllaznimin. Përballja mes këtyre dy skuadrave është një nga më të rëndësishmet në futbollin kosovar, duke garantuar spektakël dhe rivalitet të fortë./PrizrenPress.com/
