Dukagjini i Ismet Munishit e ka përjetuar një prej disfatave më të thella në Superligë.
Ballkani i deklasoi “Hithat” në stadiumin “18 Qershori” në Klinë, duke i mundur me rezultat 5-0, raporton Klankosova.tv
Dy golat e parë i shënoi sulmuesi në top-formë i suharekasëve, Sundy Adetunji, dy të tjera Bleart Tolaj, kurse vulën e dha realizimi i Bernard Karricës.
“Xhebrailat” tani kanë shkuar në kuotën e 50 pikëve, dhjetë më pak se Drita që e udhëheq renditjen tabelare, kurse gjashtë më shumë se Malisheva e vendit të tretë.
Dukagjini nga ana tjetër, ngelët me 35 pikë, tri më shumë se Suhareka që gjendet në zonën e barazhit dhe pesë sosh më shumë se Llapi i vendit të nëntë.
Suhareka – Prishtina, Gjilani – Llapi dhe Malisheva – Drita, janë ndeshjet që e përmbyllin xhiron e 28 kampionale.
