Bashkimi do të përballet sot me Pejën në ndeshjen e parë të gjysmëfinales së “Play-off”-it të Superligës së Kosovës në basketboll. Takimi zhvillohet në palestrën “Sezai Surroi” në Prizren, duke filluar nga ora 19:00, raporton PrizrenPress.
Pas përfundimit të sezonit të rregullt, skuadra prizrenase ka siguruar avantazhin e fushës, që pritet të jetë vendimtar në këtë seri gjysmëfinale që luhet sipas sistemit “best-of-five” – ku skuadra që arrin tri fitore kualifikohet për në finalen e madhe.
Bashkimi synon ta nisë serinë me një fitore përballë tifozëve të vet, duke hedhur kështu hapin e parë drejt objektivit sezonal – kualifikimit në finale dhe luftës për titull.
Atmosfera në Prizren pritet të jetë e zjarrtë, me përkrahjen e fuqishme të tifozëve “Arpagjik’t”, të cilët tradicionalisht janë shtytje e madhe për ekipin vendas./PrizrenPress.com
