Është botuar Informatori i ndeshjeve të para gjysmëfinale të playoffit të Superligës, ndërkaq pos tjerash aty janë paraqitur edhe dënimet nga përballjet e para mes gjysmëfinalistëve.
Kësaj radhe, vetëm KB Bashkimi ka marrë dënim si klub, duke u dënuar me 700 euro për shkak të sharjeve dhe fyerjeve në kor ndaj ekipit mysafir.
Nga dënimet individuale, janë vetëm tekniket për Altin Morina i Bashkimit dhe Darryl Morsell i Pejës, ku secili është gjobitur me 100 euro.
Bashkimi përndryshe ka fituar ndeshjen e parë gjysmëfinale ndaj Pejës në “Sezai Surroi” dhe është në avantazh 1-0 në këtë seri. Nga përballja Trepça – Prishtina, nuk ka asnjë dënim që figuron në Informator. Në këtë përballje, Trepça është në epërsi 1-0.
Sipas po këtij Informatori, në “Minatori” në ndeshjen Trepça – Prishtina, numri i shikuesve ka qenë 2 mijë, ndërkaq në “Sezai Surroi” në përballjen Bashkimi – Peja, 3 mijë.
