Ekipi mjekësor i Qendrës Kryesore të Mjekësisë Familjare në Dragash ka filluar zbatimin e programit të vizitave sistematike shëndetësore nëpër shkollat e Komunës së Dragashit, duke përfshirë nxënësit e klasave të para dhe të pesta, raporton PrizrenPress.
Sipas njoftimit të Komunës së Dragashit, qëllimi i këtij programi është zbulimi dhe parandalimi i hershëm i problemeve shëndetësore tek nxënësit.
“Institucionet shëndetësore të Komunës së Dragashit, me stafin e tyre profesional, janë të përkushtuara për t’i kushtuar rëndësinë e duhur shëndetit të fëmijëve tanë dhe të gjithë qytetarëve”, thuhet në njoftim./PrizrenPress.com
