Njësia Rajonale për Trafik Rrugor në Prizren ka ndërmarrë sot një aksion kontrolli në kuadër të përpjekjeve për rritjen e sigurisë në komunikacion, ku si rezultat janë konfiskuar gjithsej 11 patentë shoferë për shkak të kundërvajtjeve të ndryshme.
Kliko videon: https://www.facebook.com/PrizrenPress/videos/1684680412412465
Hapësira me qira në objektet e reja te ‘RENELUAL TAHIRI’ në Prizren
Sipas njoftimit të Policisë së Kosovës, masat janë marrë pas vëzhgimeve dhe dokumentimit të shkeljeve të rënda të ligjit në disa lokacione:
Tri patentë shoferë janë konfiskuar në segmentin rrugor Suharekë – Carralevë, pasi shoferët kishin tejkaluar në vijë të plotë. Shkeljet janë regjistruar përmes kamerës së veturës me radar mobill.
Shtatë patentë shoferë janë konfiskuar për mosrespektim të semaforit, gjatë një operacioni të zhvilluar në rrugën “Wesli Klark” në Prizren, në orarin 08:20 – 09:00.
Një patentë shofer është konfiskuar për transport të pasigurt të një fëmije, i cili ishte ulur në ulësen e përparme, duke rrezikuar seriozisht sigurinë e tij.
Policia e Kosovës ka bërë thirrje për respektim të rregullave të qarkullimit rrugor nga të gjithë pjesëmarrësit në trafik, duke theksuar se qëllimi i këtyre masave është mbrojtja e jetës dhe sigurisë publike.
