Komuna e Suharekës ka njoftuar se të premten do të organizojë Ditën e Dyerve të Hapura për fëmijët. Ky aktivitet realizohet për nder të 1 Qershorit – Ditës Ndërkombëtare të Fëmijëve.
Kryetari Bali Muharremaj ka pohuar se të premten nga ora 09:00, për fëmijët do të jetë një ditë e paharrueshme, me plot argëtim dhe aventura.
“Ejani të njiheni me institucionet tona lokale, të takoni policët tanë të guximshëm dhe zjarrfikësit tanë heroikë. Do ti takoni punëtorët e zellshëm, që e pastrojnë ambientin tonë që ju të luani në ambient sa më të shëndetshëm. Do ta takoni mjekun/en dhe infermierët tek autoambulanca dhe më s’do ta keni frikë, sepse ju jeni trima dhe trimëresha”, thuhet në njoftimin e publikuar nga Muharremaj.
“Do të ketë lojëra, muzikë, kërcime dhe shumë argëtim”, ka bërë të ditur Muharremaj.
Marketing
Kliko videon: https://www.facebook.com/PrizrenPress/videos/1684680412412465
