Një burrë është arrestuar në Suharekë pasi dyshohet se ka ushtruar dhunë fizike ndaj bashkëshortes së tij dhe gjatë kontrollit në shtëpi, i janë gjetur armë pa leje.
Ngjarja ka ndodhur dje, në orën 11:00, raporton PrizrenPress. Viktima ka pranuar trajtim mjekësor pas sulmit, ndërsa Policia e Kosovës ka ndërhyrë duke e arrestuar të dyshuarin dhe duke kryer kontroll në banesë.
“SULM / ARMËMBAJTJE PA LEJE – Suharekë, 07.06.2025 – 11:00. Është arrestuar i dyshuari mashkull kosovar, për arsye se i njëjti kishte sulmuar fizikisht bashkëshorten e tij. Viktima ka pranuar trajtim mjekësor, ndërsa gjatë kontrollit në shtëpinë e të dyshuarit janë gjetur dhe sekuestruar një armë gjysmë-automatike dhe një pistoletë. I dyshuari pas intervistimit me urdhër të prokurorit është dërguar në mbajtje”, thuhet në raportin e policisë./PrizrenPress.com
