Kompania Rajonale e Ujësjellësit “Hidroregjioni Jugor” SH.A ka bërë një hap të rëndësishëm drejt përmirësimit të infrastrukturës operative, duke siguruar dy eskavatorë të rinj që do të jenë në shërbim të Njësive Operative në komunat e Malishevës dhe Dragashit.
Ky investim, me vlerë prej 168,640.00 euro, është financuar nga vetë kompania dhe paraqet një përpjekje të qëndrueshme për të rritur efikasitetin në terren, veçanërisht në rastet e intervenimeve të shpejta dhe të nevojshme në rrjetin e ujësjellësit.
Përfaqësues nga “Hidroregjioni Jugor” theksuan se pajisja me eskavatorë do të ndikojë drejtpërdrejt në zvogëlimin e humbjeve të ujit, të cilat janë një nga sfidat kryesore të sektorit, si dhe në përmirësimin e shërbimeve që ofrohen për konsumatorët.
“Ky investim është pjesë e strategjisë sonë afatgjatë për modernizimin e kapaciteteve operative dhe për ofrimin e një shërbimi më të besueshëm dhe efikas për qytetarët,” u tha në njoftimin zyrtar të kompanisë.
Me këtë angazhim të ri, “Hidroregjioni Jugor” SH.A synon të rrisë cilësinë e ndërhyrjeve në infrastrukturën e ujësjellësit dhe të kontribuojë në zhvillimin e qëndrueshëm të shërbimeve publike në rajon.
Marketing
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
