Komuna e Prizrenit në bashkëpunim me organizatën “Jetimat e Ballkanit”, të udhëhequr nga Halil Kastrati, nisën sot projektin e madh humanitar për ndërtimin e 50 shtëpive për familjet në nevojë.
Ky projekt simbolizon bashkimin e forcave për t’u ofruar një strehë të sigurt atyre që kanë më së shumti nevojë.
Kryetari i Prizrenit, Shaqir Totaj, tha se ky është një shembull konkret i bashkëpunimit dhe i zemrës së madhe prizrenase:
“Sot po e dëshmojmë edhe njëherë se Prizreni nuk i harron njerëzit në nevojë. Me Halil Kastratin dhe ‘Jetimat e Ballkanit’ po ndërtojmë 50 shtëpi të reja – 50 histori shprese dhe dinjiteti për familjet tona”.
Ai shtoi se ky projekt është pjesë e angazhimit të tij për një Prizren të drejtë dhe gjithëpërfshirës:
Kryetari Totaj falënderoi edhe organizatën “Jetimat e Ballkanit” për bashkëpunimin e frytshëm:
“Halil Kastrati është shembull i rrallë i bamirësisë që frymëzon. Kur bashkohemi për një qëllim të mirë, rezultatet janë madhështore”.
Projekti për ndërtimin e 50 shtëpive do të realizohet në faza, duke i dhënë fund pasigurisë për dhjetëra familje prizrenase dhe duke forcuar lidhjen humane mes institucioneve dhe komunitetit.
