Jose Mourinho duket se i ka ditët e numëruara në stolin e Manchester Unitedit.
Trajneri portugez ka humbur dashurinë e lojtarëve dhe rezultatet jo të mira në këtë fillim të sezonit, mund të bëjnë që të largohet nga “Old Trafford” ende pa kompletuar sezonin e tretë te “Djajtë e Kuq”.
Përveç Paul Pogbas, që tashmë dihet se nuk e pëlqen Jose Mourinhon dhe e do largimin e tij, edhe lojtarë si; Andreas Pereira, Martial, Bailly, Shaw dhe Rashford janë të pakënaqur me punën e trajnerit portugez.
Sipas “Globoesporte”, ish-trajneri i Chelsea e ka mbështetjen vetëm të Maticit, Youngut, Valencias, Fellainit dhe Alexis Sánchezit.
United është eliminuar befasisht nga Kupa e Ligës nga skuadra e udhëhequr nga legjenda e Chelseat, Frank Lampard – Derby County.
Kurse pas gjashtë xhirove në Premierligë, United qëndron në pozitën e shtatë me 10 pikë, pas tri fitoreve, dy humbjeve dhe një barazimi. /Insporti.com/