Në mbarë trojet shqiptare, sot shënohet 7 Marsi, Dita e Mësuesit.
128 vjet më parë, më 7 mars 1887, në Korçë u hap mësonjëtorja e parë e shkollës laike shqipe.
Kjo ditë përkujtohet si një ngjarje me rëndësi kulturore e historike. Veç tjerash konsiderohet një fitore për popullin shqiptar, pasi deri atëherë mësimet mbaheshin nëpër shtëpi private në mënyre të fshehtë.
Shkolla qëndroi e hapur për 15 vjet. Drejtues të saj ishin figura të njohura të Rilindjes shqiptare, si: Pandeli Sotiri, Petro Nini Luarasi, Nuçi Naçi, Thoma Avrami etj.
Për nder të kësaj dite, ish-ministri i Arsimit, Ramë Buja, tre vite më parë ka ndarë çmimin “Shaban Jashari” për mësimdhënësin e dalluar, çmim i cili nga atëherë u bë tradicional. Këtë vit ky çmim iu nda Mallzum Qejanit nga Gjimnazi “Dardania” i Hanit të Elezit.