Kryetarë degësh, aktivistë, deputetë e zyrtarë të tjerë të LDK-së tashmë kanë dorëzuar listat e tyre për përfshirje në institucionet e Qeverisë së Kosovës si pjesë të marrëveshjes për koalicion me PDK-në.
Siç raporton Botapress, medium ky i afërt me LDK-në, secila degë e kësaj partie ka propozuar nga 2 apo 3 kandidatë për zëvendësministra, ndërkaq emrat e tjerë janë propozuar për poste të këshilltarëve politikë nëpër ministri, sekretarë të përhershëm, anëtarë bordesh e pozicione të tjera qeveritare.Plotësimi i pozicioneve në institucionet qeveritare do të rikthejë në pushtet zyrtarët e LDK-së të cilët viteve të fundit ishin në opozitë.