24.1 C
Prizren
E premte, 29 Gusht, 2025

LDK-ja në Zhur përkrah Eqrem Kryeziun për kryetar të Prizrenit

LDK-logo5-23Dega e Lidhjes Demokratike të Kosvës (LDK) në Zhur, ka marrë vendim që të përkrah kandidatin për kryetar të Prizrenit, Eqrem Kryeziun. Kryetari i LDK-së në Zhur, Shukri Vezaj tha se nuk do të kundërshtojnë vendimin e Kryesisë në Prishtinë. “Po do ta përkrahim, nuk kemi çka të bëjmë tjetër”, tha Vezaj për “PrizrenPress”.

LDK-ja në Prizren, ka dërguar dy emra për kryetar, atë të Eqrem Kryeziut dhe Hanifi Muharremit. Lidhja Demokratike e Kosovës(LDK) Dega në Zhur, ndërkaq ka propozuar Nijazi Ademajn për kandidat për kryetar të Prizrenit. Emri i Ademajt është dërguar edhe në Kryesi të LDK-së në Prishtinë. Dega e LDK-së në Prizren dhe ajo në Zhur, nuk kanë arritur të gjejnë gjuhën e përbashkët në përzgjedhjen e kandidatit për kryetar të Prizrenit.

Këto dy degë të LDK-së, në mungesë të gjetjes së një kandidati të përbashkët, veç e veç, i kanë dërguar propozimet e tyre në Prishtinë për kryetar të Prizrenit.

Kryesia e LDK-së në Prishtinë ka marrë sot vendim për emrimin e Eqrem Kryeziut për kryetar të Prizrenit. Vendimi ëhstë marrë në mënyrë unanime.

Kryetari i Degës së LDK-së në Zhur, Shukri Vezaj tha ndërkaq se pavarësisht pakënaqësive do të përkrah Kryeziun për kryetar të Prizrenit. “Dobësia e krejt kësaj është që nuk na kanë konsultuar, por ne do ta përkrahim pavarësisht veprimeve të tyre jo të drejta në raport me kërkesat e LDK-së në Zhur”, tha Vezaj. /PrizrenPress.com/

Më Shumë

Ndahet nga jeta gazetari Artur Zheji

Gazetaria shqiptare ka humbur një nga emrat e saj më të njohur. Është ndarë nga jeta në moshën 63-vjeçare gazetari, analisti dhe publicisti Artur...

Haxhi Avdyli nuk i ndal postimet rrëqethëse: Pse e doni kaq pak vendin tuaj? Kosova ju dha bukë, shtëpi e ju rriti

Deputeti i Guxo-s, Haxhi Avdyli, ka dalur me një tjetër postim rrëqethës, pas atyre me Donika Gërvallën. Tash, ka emocionuar me fjalët lidhur me Listën...

Lajmet e Fundit