Dega e LDK’së në Prizren sot do të mbaj Kuvenin e 8’të zgjedhor ku pritet të zgjidhen organet drejtuese dhe kryetari i saj i ri.
Ky proces pritet t’i jap fund qëndrimit 25 vjeçar të Eqrem Kryeziut në krye të kësaj dege.
Në garë për kreun e kësaj dege janë tre personalitete të LDK’së nga Prizreni.
Njëri nga ata që kandidaturën e ka shpallur publikisht është Haxhi Avdyli.
Ndërkohë sipas burimeve brenda LDK’së emrat e atyre që do të hyjnë në këtë garë janë edhe Hanefi Muharrmi, ish-kandidat për kryetar të kësaj komune dhe emri i deputetit Anton Quni.
Megjithatë për këtë të fundit nuk është e sigurt.
Pjesë e garës ka qenë edhe Hatim Baxhaku por që është tërhequr nga gara dhe ka vendosur që s’bashku me mbështetësit e tij ta përkrahin Haxhi Avdylin për kryetar të LDK’së në Prizren.
Avdyli ka marrë mbështetje publikisht edhe nga deputeti tjetër i kësaj partie Bardhyl Meta.