21.6 C
Prizren
E hënë, 9 Qershor, 2025

Zbulohet identiteti i kosovarit të vdekur nga i ftohti në Hungari

hungariShtetasi kosovar që është gjetur pa shenja jete në kufirin Serbi-Hungari është I. F., nga një fshat i komunës së Ferizajt, (identiteti i tij është i njohur për redaksinë).
Gazeta Tribuna ka mësuar se viktima është i vitit 1960 dhe është gjetur 15 metra në brendi të territorit hungarez i ngrirë nga të fohtit.

Sipas burimeve të Tribunës, autoritetet shtetërore tashmë e kanë njoftuar familjen e të ndjerit, për sa kohë që trupi i pajetë i kosovarit ndodhet në Mjekësinë Ligjore dhe është duke iu bërë autopsia nga autoritetet e këtij shteti.

Për këtë është informuar edhe Ambasada e Republikës së Kosovës në Budapest e cila sot gjatë ditës do të dalë me një qëndrim përkitazi me rastin.

Ndryshe, Ambasada e Republikës së Kosovës në Hungari është informuar nga autoritetet e shtetit hungarez për gjetjen e trupit të pajetë të një shtetasi të Kosovës në territorin e Hungarisë.

“Autoritetet hungareze kanë bërë identifikimin e trupit të pajetë dhe janë në kontakte të vazhdueshme më Ambasadën e Kosovës në Budapest për ndriçimin e rrethanave të ngjarjes. Ambasada e Kosovës në Hungari ka filluar procedurat për kthimin sa më shpejt të trupit të pajetë të shtetasit kosovar në atdhe. Ministria e Punëve të Jashtme e Republikës së Kosovës ka vendosur kontakte me familjarët e të ndjerit, të cilëve iu ka shprehur ngushëllimet më të sinqerta për humbjen e të afërmit të tyre”, thuhet në komunikatë.

Më Shumë

Prizren, 8 aktakuza kundër 9 personave

Prokurori i Shtetit ka njoftuar se gjatë 24 orëve të fundit nga prokuroritë themelore janë ngritur 42 aktakuza kundër 59 personave, për vepra të...

Kuvendi i Prizrenit me 3 qershor vazhdon shqyrtimin e Projekt-Rregullores për varrezat e reja në Landovicë

Vazhdimi i seancës së Kuvendit të Komunës së Prizrenit të datës 29 maj 2025 është caktuar për të martën,  me 03 qershor 2025, nga...

Lajmet e Fundit