Nëpër portalet malazeze, ka filluar të qarkullojë një fotografi ku Hashim Thaçi, Javier Solana dhe Bernard Couchner, paraqiten si kanibalë që transplantojnë organe të serbëve.
Ky është imazhi i përgatitur nga portalet pro-serbe, e shoqata të ndryshme anti-shqiptare, të cilët kanë filluar një fushatë kundër vizitës së paralajmëruar të zëvendëskryeministrit Thaçi në Podgoricë, transmeton zeri.info.
Vizita e Thaçit, duket se ka prekur dhe zgjuar fuqishëm ndjenjat e nacionalistëve serbë, të cilët kanë paralajmëruar protesta të dhunshme kundër vizitës së tij.
Shoqatat e serbëve në Mal të Zi dhe gazetat pro-serbe kanë thënë se ‘me çdo kusht’ do të parandalojnë vizitën e ish-kryeministrit të Kosovës.
Ata akuzojnë Djukanovicin se me ftesën që i’a ka bërë Thaçit, ka dëshmuar lidhjet e tija të vjetra me liderin kosovar.
Sipas shoqatës së quajtur “Të përndjekurit nga Kosova dhe Metohija”, Thaci “ka përgjegjësi komanduese për vrasje të llahtarshme nga ana e UÇK-së, ndaj serbëve dhe malazezve në Kosovë.
Kjo shoqatë thotë se ‘Zëvendëskryeministri i rrejshëm i shtetit të rrejshëm të Kosovës, edhe vetë ka ekzekutuar shumë serbë në krahinën serbe”.
Po ashtu sipas deklaratës së përbashkët të këtyre organizatave thuhet se “Thaçi dhe organizata e vet kanibale i kanë shkatërruar të gjitha varrezat serbe në Metohi, kanë kidnapuar dhe vrarë serbë dhe ne kemi obligim ta organizojmë një protestë të madhe në Podgoricë”
Ndërsa shoqata joqeveritare “Jo Nato-s” thotë se vizita e Thaçit në Podgoricë është e vizita e parë zyrtare e vitit 2015 me ftesë të Djukanovicit, por ardhja e tij nuk është e dëshirueshme’.
Siq mëson ‘Zëri’, për shkak thirrjeve të tilla nacionaliste të serbëve, pritet që shteti malazez të pret zëvendëskryeministrin Thaçi, me masa të të jashtzakonshme të sigurisë.