Janë shpallur fituesit e “Palm Springs International Film Festival 2015” ku ndër të tjerët u shpërblye edhe filmi “Tri Dritare dhe Një Varje” nga regjisori Isa Qosja me çmimin special të jurisë, “The Cinema Without Borders”, raporton Koha.net.
“Palm Springs International Film Festival” është një nga festivalet më të mëdha të filmit në Amerikën e Veriut, i cili ka rreth 135,000 vizitorë.
Ky festival njihet edhe për organizimin vjetor të “The Black Tie Awards Gala” ku viteve të fundit kanë marrë pjesë aktorë të njohur si: Ben Affleck, Javier Bardem, Cate Blanchett, Sandra Bullock, Bradley Cooper, George Clooney, Daniel Day-Lewis, Leonardo DiCaprio, Clint Eastwood, Tom Hanks, Matthew McConaughey, Brad Pitt, Julia Roberts, David O. Russell, Meryl Streep, and Kate Winslet.