Aktori Robert Ndrenika është operuar dhe ka kaluar me sukses operacionin në zemër.
Ndrenika i është nënshtruar tre by-passeve në QSUT dhe aktualisht është ne reanimacion.
“Ai është mirë tani dhe ka kaluar në reanimacion. Mund të rrijë një javë në spital por ende nuk na kanë thënë se kur do të dalë”, tha Djana Ndrenika, e bija e aktorit të njohur.
Robert Ndrenika u shtrua pak ditë më parë në spital për shkak të komplikacioneve që kishte ndërkohë që vetëm pak ditë më parë kishte festuar edhe 73 vjetorin e lindjes.
Për shkak të problemeve shëndetësore të Ndrenikës Teatri Kombëtar shtyu edhe premierën e veprës “Tartufi”.
