18.8 C
Prizren
E hënë, 3 Tetor, 2022

Komuna mbështet HANDIKOS-in në Malishevë

007Kryetari i Komunës së Malishevës, Ragip Begaj dhe koordinatorja e qendrës së rehabilitimit “HANDIKOS” në Malishevë, znj.Feride Hoxha, sot kanë nënshkruar një marrëveshje për vazhdimin e përkrahjes për këtë qendër rehabilituese, edhe për vitin 2015, duke e vazhduar kështu traditën e mbështetjes për këtë qendër e cila ofron shërbime për personat me nevoja të veçanta.

“E kemi obligim, në rend të parë si qytetar, e pastaj edhe si institucion, që ta mbështesim “Handikos”-in, pasi kjo organizatë merret me trajtimin dhe ofrimin e shërbimeve të pjesës më të ndjeshme të shoqërisë dhe jo vetëm institucionet, por të gjithë duhet të japin kontributin e tyre, për këtë kategori, në mënyrë që edhe ata të jenë të integruar në shoqëri, në mënyrë të barabartë me të gjithë”, tha kryetari Begaj, me rastin e nënshkrimit të marrëveshjes, për mbështetje të shërbimeve të “HANDIKOS”-it në Malishevë.

Nga ana tjetër, koordinatorja e Qendrës së Rehabilitimit, “HANDIKOS”,Feride Hoxha, e ka falënderuar kryetarin Begaj dhe komunën, “për vazhdimin e mbështetjes për organizatën, pasi ofrimi i shërbimeve për personat me nevoja të veçanta, praktikisht varet nga komuna, sepse pa këtë mbështetje, tash e sa vite me radhë, ne jo që nuk do të kishim mundur t funksionojmë, por edhe këta persona nuk do ti kishin këto shërbime”.

Komuna e Malishevës, në vazhdimësi, e mbështetë Qendrën e Rehabilitimit “HANDIKOS” në Malishevë, në ofrimin e shërbimeve për personat me nevoja të veçanta. Bazuar në marrëveshjen e nënshkruar, shuma e përkrahjes për vitin 2015, është 22 mijë e 320 euro, për të gjitha shërbimet.

Më Shumë

Liria shënon fitore

Në kuadër të javës së VII-të të Ligës së Parë të Kosovës në futboll, skuadra e Lirisë para shikuesve të vet në “ Përparim...

Këto fshatra e rrugë të Prizrenit do të mbesin pa rrymë

KEDS ka njoftuar për ndërprerje të energjisë elektrike në disa fshatra dhe rrugë të rajonit të Prizrenit. 29.09.2022 Punime të domosdoshme për siguri të sistemit Prizren 1. NS 110/35/10...

Bota sot

Lajmet e Fundit