Gjykata Themelore në Prizren, ka caktuar një muaj paraburgim për Kadri Krasniqin nga Prizreni.
Ai dyshohet se ka kryer veprën penale të vrasjes në tentativë. Ndërkaq, Begush Bajramit nga Prizreni i është caktuar masa e paraqitjes në stacionin policor, për shkak të veprës penale përdorim i armës apo mjetit të rrezikshëm.I pandehuri Kadri Krasniqi do të mbahet në paraburgim në kohëzgjatje prej një muaji, i cili do të llogaritet prej, datës 19.01.2015 në ora 21:00, dhe do të zgjasë deri me datën 19.02.2015.
I pandehuri Kadri Krasniqi dyshohet se me datën 19.01.2015, rrethe orës 19:40 min. në rrugën “Gjemë Muzaka” në lagjen ‘Dardania’ në Prizren, saktësisht në shtëpinë tani të dëmtuarit Begush Bajrami, i pandehuri pas një mosmarrëveshje paraprake në vendin e punës, me dashje tenton ta privon nga jeta të dëmtuarin Begush Bajramin.
“I dyshuari shkon në shtëpinë e të dëmtuarit me biçikletën e tij, fillimisht e thirr të dëmtuarin që të dal jashtë, pas thirrjes del bashkëshortja e të dëmtuarit dhe më pas i dëmtuari del jashtë, dhe i pandehuri pa kurrfarë paralajmërimi fillon të shtijë me pushkën automatike ,,AK47,, me numër serik 12108355 duke e plagosur në këmbë dhe kraharorë”,njofton Gjykata në Prizren/PrizrenPress.com/