E kisha afër
Aq afër
Në mua të tërën
Dhe po ma marrin
Publikisht
Po ma marrin
Në mënyrë solemne
Po ma marrin
O zot
Praninë fizike të saj
Ma mërgojnë tej qenies
E unë
E unë
I stepur për druri
Dëgjoj krejt këtë muzikë
Këta tinguj gërryes
Që ma bluajnë shpiirtin
Dhe
Oh
Bie i përbuzur
Me vetëm një protestë
Që mbytet nën burinë e sirenave
E pres
Pres
Si një pikturë sentimnetale tregu
Jo blerësin –
Sall dorën e saj
Aman
Mungesa e saj më gërryen
Më bluan të tërin
…
( Sabit Rrustemi nga libri VARIACIONE PËR LIRINË, 1997 )