Këshilli për Mbrojtjen e të Drejtave të Luftëtarëve të UÇK-së në një aksion para Qeverisë së Kosovës ka vendosur disa letra, ku shprehën pakënaqësitë rreth vonesës së publikimit të listave të veteranëve të luftës.
Këshilli ka paralajmëruar që nëse deri më 10 shkurt nuk publikohen këto lista, do të organizojnë demonstratë, për të cilën thanë se nuk marrin përgjegjësi nëse ndodh diçka.
“Nëse deri më 10 shkurt nuk dalin ashtu siç kanë premtuar me lista, atëherë do ta organizojmë një demonstratë… Ne e kemi përkrahjen e veteranëve, e atyre që kanë luftuar dhe fatkeqësisht sot gjashtëmbëdhjetë vite pas luftës jetojnë në gjendje të mjerueshme…Nuk marrin asnjë përgjegjësi në rast se ndodhë diçka”, ka deklaruar Qeriqi, trasnmeton Telegrafi.