Kryetari i Komunës së Malishevës, Ragip Begaj, gjatë pasdites së djeshme ka vizituar familjen e F. Zogajt nga Mleqani, familje e cila ditë më parë kishte deklaruar se do të merrte rrugën e mërgimit, për shkak të kushteve të rënda sociale, por që tani duket të ketë hequr dorë nga kjo, ndërsa dje ka marrë premtimin e kryetarit, se do ta mbështesin këtë familje.
“Ne do ta mbështesim këtë familje, pasi vërtetë jetojnë në kushte të rënda ekonomike, dhe unë i kam premtuar se do ta ndihmojmë në forma të ndryshme, sidomos në bujqësi, në mënyrë që kjo familje të arrij të krijoj të mira materiale, për sigurimin e jetesës”, ka thënë Begaj pas vizitës në këtë familje. /PrizrenPress.com/