Bateristi i grupit legjendar The Beatles, Ringo Starr, do të hyjë në Rock and Roll Hall of Fame në fund të muajit maj dhe pak para kësaj arritje, ai ka folur për marrëdhënien e tij me anëtarët e tjerë të bendit.
“Unë mund ta ruaja paqen – nëse ndonjëherë ka pasur në eksplodim përbrenda The Beatles, zakonisht ne ktheheshim bashkë në shtëpinë tonë. Të gjithë kishim personalitet. Ishim katër vëllezër. E donim njëri tjetrin thellësisht por ndonjëherë zgjohesh në mëngjes, je në disponim të keq dhe gjërat ndodhin”, ka thënë ai për PA.
Ai shtoi se ende e merr malli për të tre, për John Lennon dhe George Harrison, që nuk jetojnë më, si dhe Paul McCartney-n. Starr së fundmi ka lansuar albumin e tij “Postcards From Paradise”, të 18-tin me radhë
“Ne ia dëshmuam secilit që muzika është më e rëndësishme se emri. Ne bëmë muzikë të mrekullueshme dhe jam ende krenar për këtë”, tha Starr.