Fotografia e realizuar nga Roodpesh Davda, 36 vjeçar, në Utjoski në veri të Finlandës, në një ditë të ftohtë marsi, është shpallur fotografija më e mirë në botë për muajin mars nga BBC. Tema e këtij muaji ishte “Ditëhijet e preferuara”
“Qëndruam në një kasolle dhe në mesnatë jashtë kishte një pamje fantastike të dritave veriore. Ishin aq të bukura dhe shkëlqenin. Rrëmbeva aparatin dhe nisa të fotografoj me aparatin tim Canon 7D”, kështu ka treguar Davda për realizimin e fotografisë së tij.
Ai ka shtuar se për të realizuar një fotografi, ai realizon disa shkrepje, kështu kishte vepruara dhe atë ditë. Temperaturat ishin -25 gradë, por Davda kishte qëndruar jashtë tre orë.
“Në fotografi fiksova gruan time e cila rrëshqiste me motorrin e dëborës dhe drita e tij i dha edhe më shumë jetë fotografisë. Ishte diçka e veçantë”, thotë Davda, lidhur me fotografinë e vlerësuar si më e mira e muajit mars nga sajti i BBC.