Dy shtetas nga Shqipëria janë kapur duke vjedhur në Qendrën Tregtare ETC në Prizren. Policia e Kosovës njofton se të dyshuarit janë grua e burrë (bashkëshortë) nga Shqipëria.
“Janë arrestuar dy të dyshuar një mashkull dhe një femër shtetas te Shqipërisë (bashkëshort) pasi qe njeri prej tyre është kapur ne flagrance nga sigurimi duke vjedhur ne Qendrën Tregtare ETC”, njofton Policia e Kosovës.
Njësiti policor nëpërmes verifikimit të kamerave të sigurisë ka konstatuar se i dyshuari ka kryer vjedhje edhe me datën 16.03.2015 në të njëjtin lokacion në bashkëpunim me bashkëshorten e tij.
Vlera e përgjithshme e gjësendeve të vjedhura sillet rreth 869 euro. Me urdhër te prokurorit të dyshuarit dërgohen në mbajtje. /PrizrenPress.com/