Kuvendi i Komunës së Malishevës, përkatësisht kryesuesi Aziz Thaçi, në bazë të ligjit, me kërkesën e njëmbëdhjetë anëtarëve të kuvendit, për “Gjendjen në arsimin e Komunës së Malishevës” , mirëpo kjo seancë u ndërpre, pasi shumica e anëtarëve të kuvendit, lëshuan sallën, para se të hidhej në votim ky rend i ditës. Paraprakisht, në këtë seancë, ka dhënë betimin, edhe dy anëtarët e rinj të kuvendit, nga radhët e LDK-së, z.Durim Krasniqi dhe Labinot Gashi, të cilët zëvendësojnë Sami Kafexhollin dhe Fatmir Ademajn.
Në fillim të seancës, udhëheqësi i grupit të LDK-së në KK të Malishevës, Januz Kastrati, tha se grupi i LDK-së, nuk është për mbajtjen e seancës, pasi nuk kanë material për këtë pikë të rendit të ditës. Të njëjtën e gjë e tha edhe udhëheqësi i grupit të IQM-së, Avdi Morina, pasi përveç që ka mungesë materiali, për arsimin është diskutuar në mbledhjen e kaluar dhe pritet të diskutohet në mbledhjen e muajit të ardhshëm përsëri.
Përkundër kërkesës nga Valon Hoti i VV-së dhe z.Izet Morina i PDK-së, seanca nuk u mbajt, pasi anëtarët e IQM-së dhe LDK-së, lëshuan sallën, duke shkaktuar mungesë kuorumi.