Rreth 400 migrantë dyshohet se janë mbytur pasi anija e tyre është përmbytur në ujërat e Mesdheut.
Roja bregdetare e Italisë ka shpëtuar 144 njerëz , ndërsa ka nisur operacioni ajror dhe detar, me shpresën për të shpëtuar të tjerë.
Ndërkohë, organizata “Save the Children” ka thënë se shumica e të mbijetuarve “janë të rinj, e ndoshta edhe të mitur”.
Të mbijetuarit kanë thënë se tragjedia e fundit ka ndodhur pasi anija me rreth 550 migrantë është mbytur një ditë pasi ka lënë Libinë.