Piktori kosovar, Xhevdet Spahija, do të hapë ekspozitën e tij të parë personale që prej vitit 2013, të dhjetën që pas mbarimit të luftës së vitit 1999.
Ekspozita do të okupojë nga e enjta, 23 prill, ambientet e Galerisë së Arteve në Pallatin e Kulturës “Asim Vokshi” në Gjakovë. Ekspozita e fundit e Spahijajt ishte në Tiranë, në Muzeun Historik Kombëtar, ku u paraqit me piktura të stilit nudo.
Në veprën e Spahijajt, përpos nudove femërore, vërehen elemente nga mitologjia shqiptare si dhe personazhet e letërsisë. Autori i diplomuar në Akademinë e Arteve në Prishtinë, në të kaluarën ka ekspozuar në Pejë, Gjakovë, Suedi, Tiranë e Prishtinë.