Kancelarja gjermane, Angela Merkel mori në mbrojtje Agjencinë e Shërbimeve Sekrete (BND), pas akuzave se ka ndihmuar Shtetet e Bashkuara për të spiunuar kompanitë europiane. Duke folur për herë të parë publikisht për akuzat, ajo tha se do të bashkëpunojnë plotësisht me Komisionin Hetimor parlamentar, ku do të paraqesë të gjithë detajet e nevojshme.
Zëvëndës/kancelari gjerman Sigmar Gabriel, udhëheqësi i partisë socialdemokrate, SPD bëri thirrje për një hetim të gjerë. Ai kërkoi që lista e numrave të telefonit apo adresave të Internetit, që i janë dorëzuar shërbimeve sekrete gjermane nga NSA, duhet t’i dorëzohen Komisionit Hetimor të parlamentit gjerman. BND ka spinuar Ministrinë e Jashtme franceze, pallatin presidencial, Komisionin Europian dhe grupin Airbus. Kur Merkel u vu në shenjestër të përgjimeve amerikane në vitin 2013, ajo tha: “miqtë nuk duhen spiunuar”. /Tv Klan/