Vetëm katër nxënës nga ata që patën emigruar jashtë vendit janë kthyer ta vazhdojnë procesin mësimor në shkollat e komunës së Prizrenit.
Sipas zyrtarëve arsimorë lokalë, në 23 raste të braktisjes së shkollës nga nxënësit nuk dihen shtetet në të cilat ata kanë emigruar.
Dukuria e emigrimit të popullatës jashtë vendit, që ishte karakteristikë e fundvitit të kaluar dhe e fillimit të këtij viti, ka prekur edhe komunën e Prizrenit.
Shifrat nga Drejtoria komunale për Arsim flasin për 56 nxënës nga kjo komunë që kanë braktisur shkollimin për të emigruar bashkë me familjarët e tyre.
Drejtori i DKA-së, Nexhat Çoçaj, ka thënë se në bazë të informacioneve nga drejtoritë e institucioneve edukative në nivel të komunës janë 23 raste të braktisjes së shkollës për të emigruar, por që nuk dihet lokacioni i vendosjes së tyre…/Zëri/