11.8 C
Prizren
E premte, 3 Maj, 2024

LDK zgjedh sot kryetarin e ri

Lidhja Demokratike e Kosovës sot mban Kuvendin e tetë zgjedhor, pas të shtatit të mbajtur në 7 nëntor 2010, në të cilin kryetari i atëhershëm i komunës së Prishtinës, Isa Mustafa, fitoi garën me kryetarin e partisë, Fatmir Sejdiun – presidentin e parë të Kosovës së pavarur, që pasonte presidentin historik Ibrahim Rugova.

Në Kuvend pritet të zgjidhet Kryesia dhe kryetari i partisë.

Ende nuk dihet nëse ish kryetari Sejdiu do të jetë kandidat për kryetar por kryeministri aktual Isa Mustafa, si dhe deputetja më e votuar në zgjedhjet parlamentare Vjosa Osmani, kanë paralajmëruar kandidimin për garën për kryetar të LDK-së.

Që nga themelimi para gati 26 viteve, LDK, e cila në fillimet e saj më shumë se parti ishte lëvizje për liri, pavarësi e demokraci, e udhëhequr nga Rugova, hapur përcaktonte pozicionin gjeopolitik kosovar dhe shpallte idenë për shtet duke theksuar se “zgjidhja më e mirë është Kosova e pavarur e neutrale, e hapur ndaj Shqipërisë e Serbisë dhe një administrim civil ndërkombëtar si fazë kalimtare”.

LDK ishte pjesë dhe fituese edhe e zgjedhjeve të dyta të marsit të vitit 1998 në një kohë kur rezistenca paqësore e aktive po pasohej edhe me luftën për liri dhe pavarësi të populli t të Kosovës, të UÇK-së.

Pas luftës, në Kosovën e lirë nga qershori 1999, LDK ishte fituese në zgjedhjet e para dhe të dyta parlamentare, e pas vdekjes së ë Rugovës më 21 janar të vitit 2006, në tre proceset e tjera zgjedhore parlamentare doli parti e dytë.

Pas zgjedhjeve të pesta në liri, të dytave në pavarësi, të 8 qershorit 2014, LDK në koalicion me partinë fituese, PDK-në, udhëheqë për herë të parë qeverinë e Kosovës, me kryeministër Isa Mustafën, i cili është kryetari i tretë i partisë. /Telegrafi/

Më Shumë

Parashikimi i motit, temperaturat maksimale arrijnë deri 25 gradë Celsius

Për të dielën parashikohet të mbajë mot kryesisht me diell.   Sipas Meteo Kosova, era do fryjë në drejtime të ndryshme me shpejtësi prej 9-25 km/h. Temperaturat...

12 vite nga vdekja e shkrimtarit arbëresh, Ernesto Sabato

Sábato ka lindur në Rojas, provincia de Buenos Aires në Argjentinë më 24 qershor, 1911. Nëna e tij Juana Maria Ferrari rridhte nga një...

Lajmet e Fundit