Kisha e parë e kanabisit e gjendur në Indianapolis, do të nisë shërbimin e saj me 1 korrik duke iu bashkuar një trendi të bazuar tek kjo bimë si ‘’Ministria e bashkuar e kanabisit’’ apo ‘’Kisha shëruese e Rhode Island’’.
Themeluesi i saj William Levin tha për ABC News se ai është frymëzuar nga dashuria dhe dhembshuria për njerëzit në nisjen e këtij misioni.
Kjo kishë ka tërhequr vëmendjen dhe fitoi për më shumë se 42 mijë ndjekës në facebook dhe pret një pjesëmarrje masive në ceremoninë e hapjes.
Ndërkohë që kjo kishë nuk ka asnjë autoritet ligjor për të shitur ose për të rritur këtë kanabis, pjesëmarrësit do të jenë të lirë të tymosin këtë bimë në ambientet e saj, por e gjithë kjo nën mbikëqyrje.