Deputeti i Kuvendit të Kosovës nga radhët e Nismës, Zafir Berisha, në një intervistë për emisionin “Ditari i Natës” në televizionin “Tribuna Channel”, ka deklaruar se Policia e Sllovenisë nuk mund të fajësohet shumë për ndaljen e kryetarit të AAK-së, Ramush Haradinajt.
Ai ka shtuar se fajtore kryesore është Serbia dhe se një pjesë të fajit e ka edhe Qeveria e Kosovës, e cila sipas tij, zgjohet vetëm kur të ndodhin rastet e tilla.
Ai madje nuk e përjashton mundësinë që ish-ushtarëve të UÇK-së t’ju ndodhë një gjë e tillë edhe në Shqipëri. Madje, nënvizoi se disa luftëtarë kanë pasur probleme në kufirin e Morinës.
I pyetur se a ka probleme ai gjatë udhëtimeve jashtë, Berisha është shprehur se nuk udhëton në ato shtetet ku mund të ketë problem. /Gazeta Tribuna/