18.2 C
Prizren
E mërkurë, 9 Korrik, 2025

Kosova merr edhe një njohje

Ministri i Punëve të Jashtme i Republikës së Kosovës, Hashim Thaçi nëpërmjet rrjetit social Facebook ka bërë të ditur se të martën ka marrë një notë verbale nga Toke Talagi, ministër i jashtëm i shtetit Niue që gjendet në Oqeanin Paqësor, për njohjen e Kosovës dhe themelimin e marrëdhënieve diplomatike në mes dy shteteve.

Ai ka shkruar se njohja e këtij shteti paraqet edhe një ndihmesë në mbledhjen e shumicës së duhur për anëtarësinë e Kosovës në agjencione të OKB.

“Mbrëmë morra notën verbale nga Toke Talagi, kryeministri dhe ministri i jashtëm i shtetit Niue që gjendet në Oqeanin Paqësor, për njohjen e Kosovës dhe themelimin e marrëdhënieve diplomatike në mes dy shteteve tona. Vota sovrane e Niue në agjencionet si UNESCO, OBT, OBSH, etj. paraqet edhe një ndihmesë në mbledhjen e shumicës së duhur për anëtarësinë e Kosovës në agjencione të OKB”, ka shkruar Thaçi në Facebook.

Ndryshe kjo është njohja e dytë që Kosova merr që nga koha kur Hashim Thaçi është ministër i Punëve të Jashtme i Kosovës. Njohja e fundit ishte në muajin maj nga shteti karaibian i Antigua dhe Barbuda.

Thaçi ishte kritikuar shumë pse Kosova ka ngecur sa i përket njohjeve të reja duke pasur parasysh udhëtimet e tij të shumta jashtë vendit të cilat kanë sjellë pak rezultate në planin e njohjeve për Kosovën.

Më Shumë

Grupi legjendar Oasis rikthehet në skenë pas 16 vitesh

Legjendat e Britpopit, Oasis, do të ngjiten në skenën e Principality të Cardiffit, Uells, duke nisur turneun e tyre të shumëpritur të ribashkimit. Kthimi i...

Egzon Sinani largohet nga Ballkani

Klubi futbollistik Ballkani ka bërë të ditur sot përmes një njoftimi zyrtar se ka përfunduar bashkëpunimin me futbollistin Egzon Sinani, në bazë të një marrëveshjeje...

Lajmet e Fundit