Kryeministri, Edi Rama e quajti një ditë zie këtë të sotmen ku një polic i njësisë RENEA u vra në Lazarat ndërsa 2 të tjerë u plagosën.
Menjëherë pas vizitës së dy efektivëve të plagosur në spitalin e Traumës, kryeministri Edi Rama deklaroi:
“Ditë zie për të gjithë policinë e shtetit punonjësit dhe familjen e policisë së Shtetit por besoj se çdo shqiptar dhe çdo familje që vlerëson ndershmërinë kurajon, shërbimin e policisë së shtetit dhe këtyre djemve sot ka zi. Duke I shprehur ngushëllimet më vëllazërore familjes së atij që nuk arriti dot ti mbijetonte kësaj barbarie dhe duke shprehur dhe sigurinë e mjekëve që dy të tjerët janë plotësisht jashtë rrezikut për jetën dua të nënvizoj se duhet të ndjehen vërtet keq ata që për faqen e tyre të zezë edhe në këtë moment që policia është në fushën e betejës me një grup vrasësish flasin me dy kuptime dhe I kërkojnë llogari policisë, jo dhe aq në mënyrë direkte, paçin faqen e zezë”.