Shefi i grupit parlamentar të Vetëvendosjes Glauk Konjufca u ka bërë thirrje deputetëve që të mos e votojnë Gjykatën Speciale sepse ajo e përmbys realitetin historik.
“Ne luftuam për liri, Serbia luftoi për pushtim. Gjykata Speciale e rrënon sovranitetin e sistemit tonë gjyqësor. Gjykata speciale e tkurr sovranitetin e Kosovës në pesë instanca dhe tri nivele gjyqësore. Kjo është fotografia e Valmirit të vrarë, është i masakruar. Çka t’u themi këtyre familjeve për gjakun e familjeve të tyre. Gjykata Speciale nuk ka drejtësi për këta njerëz. Mos e votoni Gjykatën Speciale, sepse të mos e votosh specialen, nuk do të thotë se je kundër drejtësisë. Edhe VV-ja, edhe partitë tjera opozitare do të votonin për një gjykatë që i gjykon të gjitha krimet, madje edhe rastin e Valmirit”, ka thënë ai.