Kancelarja gjermane, Angela Merkel, ka thënë se Gjermania e mbështetë Shqipërinë në rrugën e saj evropiane.
Gjatë konferencës së përbashkët, Merkel ka thënë se me Kryeministrin e Shqipërisë ka folur edhe për Kosovën e Maqedoninë.
Por, ajo s’ka dhënë detaje tjera se për cilat tema kanë folur lidhur me Shtetin e Kosovës.
Sidoqoftë, Merkel ka thënë se Shqipëria duhet të vazhdojë luftën kundër krimit dhe korrupsionit për të pasur më të lehtë integrimin në BE.
Rama: Me fqinjët tanë serbë do të ndjekim planin franko-gjerman
Kryeministri i Shqipërisë, Edi Rama, bashkë me kancelaren gjermane, Angela Merkel, pas takimit të tyre kokë-më-kokë, zhvilluan një konferencë për media, në të cilën Rama tha se e falënderon skajshmërisht Gjermaninë për ndihmën ajo që i ka dhënë si Shqipërisë, ashtu edhe BE-së.
“Në emër të të gjithë shqiptarëve ju falënderoj për përkrahjen që shteti juaj i jep vendit tonë, por edhe Evropës së bashkuar, si komuniteti më i rëndësishëm i vlerave që kontinenti ynë ka parë”, ka thënë Rama në konferencën për media bashkë me kancelaren gjermane, Angela Merkel.
“Jemi të vendosur të ecim së bashku me fqinjët tanë serbë përmes planit franko-gjerman”, theksoi Rama.