Këto dy ditë në media dominojnë titujt mbi vizitën e kryediplomatit grek, Nikos Kotzias në Shqipëri.
Ai e nisi me një gafë, kur i tha homologut shqiptar Dhimitër, në vend që ta quante Ditmir.
Vizita e tij u mbyll para kohe, pasi ai duhej të largohej në Greqi, ku kishin nisur trazirat në prag të miratimit të marrëveshjes së shpëtimit me BE-në.
Kotzias e “mbylli” çështjen e pronave çame, kur tha se “po flasim për shqiptarë normalë, jo për kriminelë”.
Historiani dhe politikani Paskal Milo thotë për Panoramën se kjo vizitë ishte vetëm melhem në plagët e vjetra.
Ndërkohë portali i Faik Konicës publikon një thënie të dijetarit shqiptar, botuar në gazetën Albania në vitin 1899.
“Greqia ishte çifliku i Ali Tepelenit. Të kishim mend, do të ishte edhe sot çifliku i ynë. Tre të katërtat e fshatrave të Greqisë janë shqiptare e më të shumët kuvendojnë sot për sot shqip,” shkruante Konica.