Ndonëse kanë kaluar gati tetë muaj që nga formimi i Qeverisë së re të Kosovës, kur Isa Mustafa është zgjedhur kryeministër, në faqen zyrtare të Qeverisë së Kosovës, vazhdon të figurojë emri Hashim Thaçit si kryeministër i Kosovës.
Jo rrallë disa media kur përmendin emrin e liderit të PDK-së, Hashim Thaçi,, i referohen atij si kryeministër i dytë i Qeverisë së Kosovës, transmeton Telegrafi.
Mediat këtë më shumë e bëjnë për ta fuqizuar rolin e Thaçit që po e lua si zëvendëskryeministër i parë, por jo edhe nga fakti se emri i tij vazhdon të qëndrojë si kryeministër në ueb faqen zyrtare të Qeverisë së Kosovës.
Mbase nga angazhimet e shumta që kanë zyrtarët e autorizuar për mirëmbajtjen e ueb faqes së Qeverisë kanë harruar ta rifreskojnë me të dhënat e përgjithshme për Republikën e Kosovës.