Njëri nga themeluesit e PDK-së, ish-kryeministër i Kosovës, Bajram Rexhepi, i cili ka mbajtur pozita të rëndësishme për një kohë të gjatë si nënkryetar i partisë, ministër i Punëve të Brendshme dhe dikur kryetar i Mitrovicës, është zyrtari i parë i lartë i PDK-së që del haptazi kundër Kadri Veselit dhe me akuza të rënda për Shërbimin Informativ të Kosovës (SHIK).
Në një intervistë për “Zërin”, Rexhepi thotë se “e keqja më e madhe që i ka ndodhur PDK-së është ardhja e Kadri Veselit si zëvendëskryetar i PDK-së, kurse SHIK-u thotë se ka kapur në dorë jo vetëm partinë, por edhe institucionet më të rëndësishme të shtetit”.
Ai thotë të mos jetë takuar asnjëherë me Veselin që nga koha kur ai ka marrë postin e kryetarit të Kuvendit. /Zëri/