(E plotësuar) Deputetët e Kuvendit të Kosovës nuk aprovuan kërkesën e opozitës që të futet si pikë e parë e rendit të ditës mocioni përmbajtjesor për krimet e Serbisë në Kosovë.
Nga 115 deputetët e pranishëm në votim morën pjesë 102 deputetë, ndërsa 55 ishin kundër, për 44 dhe 5 abstenuan.
Opozita dërgon në Kuvend mocionin për krimet e Serbisë
Lëvizja Vetëvendosje bashkë me Aleancën për Ardhmërinë e Kosovës dhe Nisma për Kosovën, kanë dorëzuar në Kuvendin e Kosovës mocionin lidhur me krimet e Serbisë në Kosovë.
Këto tri parti opozitare po synojnë që edhe ky mocion të hyjë si pikë e rendit të ditës në seancën e sotme, ku pritet të votohen amendamentet kushtetuese që i japin rrugë themelimit të Gjykatës Speciale.